පරිගණකයෙන් සිත්තම් අඳිමින්, යතුරු ලියන ක්‍රීඩා කරමින් පරිගණකය හුරු කර ගනිමු!
පරිගණකය (Computer) කියන්නේ අපේ එදිනෙදා ජීවිතයේ බොහෝ වැඩ කටයුතු සඳහා විවිධ අවස්ථාවලදී භාවිත කළ හැකි වැදගත් උපකරණයකි.
පරිගණකය ගැන හොඳින් ඉගෙන ගන්න කලින්, පරිගණක ක්‍රීඩාවක් කරලා සතුටු වෙමු! පරිගණකයෙන් අපට කළ හැකි වැඩ කිහිපයක් මේ තියෙන්නේ:
පාට පාට චිත්‍ර අඳින්න පුළුවන්.
ඉගෙන ගන්න උදව් වෙන ක්‍රීඩා කරන්න පුළුවන්.
අකුරු ටයිප් කරලා ලිපි ලියන්න පුළුවන්.
පාඩම් වීඩියෝ, කාටූන් බලන්න පුළුවන්.
ලස්සන ගීත අහන්න පුළුවන්.
අන්තර්ජාලයෙන් තොරතුරු සොයන්න පුළුවන්.
වම් පැත්තෙන් පාටක් තෝරලා, රූපයේ කොටසක් මත ක්ලික් කරන්න. Paint එකේ Fill මෙවලම වැඩ කරන්නෙත් මේ විදිහටමයි!
දෙමාපියන්ගේ අවසරය ඇතිව පමණක් මෘදුකාංග බාගත කර ස්ථාපනය කරන්න.
ඉහළ සිට වැටෙන මාළුවා මත ඇති අකුර ටයිප් කරලා, ඒ මාළුවා පෙන්ගුවින්ට කෑමට දෙන්න.
පොළවට වැටෙන උල්කා මත ඇති අකුරු ටයිප් කරලා, ඒවා පොළවට වැටෙන්න කලින් විනාශ කරන්න.
ක්‍රීඩාවේ මට්ටම් කිහිපයක් තියෙනවා. මට්ටම් අතර මාරු වෙන්න Esc යතුර ඔබන්න.
වැටෙන මාළුවා මත ඇති අකුරේ යතුර ඔබන්න (යතුරු පුවරුවෙන් හෝ පහළ බොත්තම්වලින්). මාළු 3ක් බිම වැටුණොත් ක්‍රීඩාව ඉවරයි!
Tux Paint කියන්නේ කුඩා ළමයින් සඳහාම හදපු, ඕනෑම කෙනෙකුට නොමිලේ ලබා ගත හැකි ඇඳීමේ මෘදුකාංගයක්.
Tux Typing සහ Tux Paint වල ඉන්න පෙන්ගුවින් "Tux", Linux නම් මෘදුකාංගයේ සංකේතයයි. ඒ නිසා තමයි ක්‍රීඩාවලට "Tux" නම දාලා තියෙන්නේ.
ඉස්සර "computer" කියලා කිව්වේ ගණනය කිරීම් කරන මිනිසුන්ට. පස්සේ කාලෙක ඒ වැඩේ කරන යන්ත්‍රයටත් ඒ නමම ලැබුණා.
ඔබට ඉටු කළ හැකි කාර්යයන් ඉදිරියේ ඇති කොටුව ලකුණු කරන්න.