අත් දෙකම භාවිත කර, ඇඟිලි නිවැරදි තැන්වල තබාගෙන වේගයෙන් හා නිවැරදිව ටයිප් කරමු.
ජනනි පරිගණකයෙන් යතුරු ලියනය කරන හැටි ඇගේ තාත්තා බලාගෙන හිටියා. ඇය ටයිප් කළේ එක ඇඟිල්ලකින් පමණයි. තාත්තා පෙන්වා දුන්නා අත් දෙකම භාවිත කර, ඇඟිලි නිවැරදි තැන්වල තබාගෙන ටයිප් කළොත් වැඩ ඉක්මනින් නිම කළ හැකි බව. ඒ සඳහා යතුරු පුවරුව මත ඇඟිලි තබන ආකාරය දැක්වෙන රූප සටහනකුත් ඇයට දුන්නා.
එක් එක් පාටින් තියෙන යතුරු ඔබන්නේ එකම ඇඟිල්ලෙන්. යතුරක් ඔබලා බලන්න!
වම් අතේ ඇඟිලි A S D F මතත්, දකුණු අතේ ඇඟිලි J K L ; මතත් තබන්න.
F සහ J යතුරුවල පොඩි උස් ඉරක් තියෙනවා. ඇස් නොබලාම දබර ඇඟිලි නිවැරදි තැනට තබන්න ඒකෙන් උදව් වෙනවා.
මාපට ඇඟිලි දෙක Space යතුර මත තබන්න. වචන අතර හිස්තැනක් තබන්නේ මෙයින්.
වම් පැත්තේ යතුරක් ඔබලා, දකුණු පැත්තෙන් එහි කාර්යය තෝරන්න.
සෑම පියවරකදීම ක්‍රීඩාවේ දැක්වෙන පරිදි "errors" (වැරදි) හැකිතාක් අඩු කර ගැනීමටත්, "accuracy" (නිරවද්‍යතාව) 100% දක්වා ලඟා විමටත් උත්සාහ කරන්න.
ඔබට ඉටු කළ හැකි කාර්යයන් ඉදිරියේ ඇති කොටුව ලකුණු කරන්න.