මානව පරිණාමයේ ප්‍රධාන අවධි

1අවධි පහ

අප්‍රිකාවේ ජීවත් වූ වානර විශේෂයකින් මිනිසාගේ පරිණාමය සිදු වූ බව සොයාගෙන තියෙනවා. එය ආරම්භ වුණේ අදින් අවුරුදු මිලියන 3කට පමණ පෙර.

• 1. ඔස්ට්‍රලෝපිතිකස් (Australopithecus)
• 2. හෝමෝ හැබිලිස් (Homo Habilis)
• 3. හෝමෝ ඉරෙක්ටස් (Homo Erectus)
• 4. නියන්ඩර්තාල් (Neanderthal)
• 5. හෝමෝ සේපියන් (Homo Sapiens)

මතක තියාගන්න: ඔ-හැ-ඉ-නි-සේ (ඔස්ට්‍රලෝපිතිකස්, හැබිලිස්, ඉරෙක්ටස්, නියන්ඩර්තාල්, සේපියන්).

2ඔස්ට්‍රලෝපිතිකස් සහ හෝමෝ හැබිලිස්

• ඔස්ට්‍රලෝපිතිකස්: මානව ලක්ෂණ පෙන්වූ පළමු ජීවියා. අවුරුදු මිලියන 3කට පමණ පෙර. පළමු පොසිලය "ලුසී" ලෙස නම් කළා, එය කාන්තාවක් ලෙස හඳුනාගෙන තියෙනවා. පාද දෙකෙන් ඇවිද්දා, බොහෝ විට ශාක සහ ගෙඩි ආහාරයට ගත්තා, පරිසරයේ තිබුණු ගල්, දඬු, ලී කොටන් සහ සත්ව ඇටකටු මෙවලම් ලෙස භාවිත කළා.
• ලැටෝලි පිය සටහන්: අප්‍රිකාවේ ලැටෝලි ස්ථානයෙන් සොයාගත් ඔස්ට්‍රලෝපිතිකස්ගේ පිය සටහන්. ගිනි කඳු අළු මත ඇවිද ගිය සලකුණු පසුව ඝන වූ නිසා අදත් දකින්න පුළුවන්.
• හෝමෝ හැබිලිස්: දෙවන අවධිය, අවුරුදු මිලියන 2කට පමණ පෙර. මුලින්ම ගල් මෙවලම් නිපදවූ නිසා "හැකි මානවයා" (Handy Man) ලෙස හඳුන්වනවා. ශාක සහ මස් දෙකම ආහාරයට ගත්තා.

3හෝමෝ ඉරෙක්ටස් සහ නියන්ඩර්තාල්

• හෝමෝ ඉරෙක්ටස්: තෙවන අවධිය. "මුලින්ම කෙළින් සිටගත්" යන අර්ථයෙන් නම ලැබුණා. ජාවා දූපතෙන් සාධක ලැබුණු නිසා "ජාවා මානවයා", චීනයේ පීකිං ප්‍රදේශයෙන් ලැබුණු නිසා "පීකිං මානවයා" ලෙසත් හඳුන්වනවා. මුලින්ම ගින්දර භාවිත කළා, දැඩි ලෙස මාංශ ආහාරයට ගත්තා, දඩයමට ගල් මෙවලම් නිපදවූවා, ගස්වල කොළ හෝ සත්ව හම් වලින් ශරීරය ආවරණය කළා.
• නියන්ඩර්තාල්: සිව්වන අවධිය. ජර්මනියේ නියන්ඩර් නිම්නයෙන් මුලින්ම සාධක ලැබුණු නිසා එම නම. බොහෝ විට යුරෝපයේ පැතිරුණා. ගල් ගුහා වාසස්ථාන කළා, සීතල දේශගුණයට අනුවර්තනය වුණා, සත්ව හම් සහ ලොම්වලින් ඇඳුම් සෑදුවා, මළවුන් භූමදාන කළා, සංවිධිත කණ්ඩායම් ලෙස ජීවත් වුණා, ආභරණ පැළඳ ශරීරය වර්ණ ගැන්වූවා.

4හෝමෝ සේපියන් සහ ශරීරයේ වෙනස් වීම්

හෝමෝ සේපියන් "ප්‍රඥාවන්ත මිනිසා" (Wise man) හෙවත් නූතන මිනිසායි. ඔහුගේ මොළය අනෙක් මිනිසුන්ගේ මොළයට වඩා විශාලයි. ඒ නිසා විශේෂ හැකියාවන් වැඩි වුණා.

පරිණාමය ආරම්භයේ සිට මුහුණ, අත්, පාද, මොළයේ ප්‍රමාණය සහ ශරීරයේ උස වැනි දේවල වෙනස් වීම් සිදු වුණා. මොළය විශාල වීම, අත්වල ඇඟිලි හසුරුවන්න පුළුවන් වීම සහ පාද දෙකෙන් කෙළින් ඇවිදීම නිසා මෙවලම් හදන්න, වැඩ කරන්න සහ සිතන්න හැකියාව වැඩි වුණා.