අප ජීවත් වන පෘථිවිය හැදුණු හැටි

1අහසේ දූවිලි සහ වලාකුළු

පෘථිවියේ ආරම්භය ගැන විවිධ අදහස් තියෙනවා. විද්‍යාඥයන්ගේ පර්යේෂණ අනුව, අවුරුදු බිලියන 4.5කට පමණ පෙර අහසේ තිබුණු දූවිලි, වලාකුළු සහ විවිධ ද්‍රව්‍ය එකතු වෙලා අපේ පෘථිවිය හැදුණා.

මේ අංශු එකිනෙක ගැටෙමින්, ඉතා වේගයෙන් කැරකෙමින් ටිකෙන් ටික ඝන ගෝලයක් බවට පත් වුණා.

2රතු පැහැති මුල් පෘථිවිය

මුල් කාලයේ පෘථිවිය අධික උෂ්ණත්වයකින් තිබුණු නිසා රතු පැහැයෙන් දිස් වුණා. ගිනි කඳු පුපුරමින්, ලාවා ගලමින්, අහසින් උල්කාපාත වැටෙමින් තිබුණා.

එදා පෘථිවියේ ජීවත් වෙන්න හුස්ම ගන්න වාතයක්වත්, බොන්න ජලයක්වත් තිබුණේ නැහැ.

උල්කාපාත (උල්කා) කියන්නේ අභ්‍යවකාශයේ සිට පෘථිවියට වැටෙන ගල් කැබලි.

3පෘථිවිය සිසිල් වීම සහ වර්ෂාව

දීර්ඝ කාලයක් ගතවෙද්දී පෘථිවිය ක්‍රමයෙන් සිසිල් වුණා. ගිනි කඳු වලින් නිකුත් වූ වායු එකතු වෙලා පෘථිවිය වටා වායුගෝලයක් සහ වලාකුළු හැදුණා.

ඉන්පසු පෘථිවියට වර්ෂාව ලැබුණා. ඒ දවසක දෙකක වැස්සක් නොවෙයි, ඉතා දීර්ඝ කාලයක් නොකඩවා වැටුණු වැස්සක්. ඒ නිසා පෘථිවිය මතුපිට ජලයෙන් පිරුණා.

• ගංගා, විල්, මුහුදු සහ සාගර හැදුණා
• රතු පැහැති ග්‍රහලෝකය "නිල්පාට ග්‍රහලෝකයක්" බවට පත් වුණා

4එක වරම නොවෙයි, ක්‍රමයෙන්

මේ වෙනස්වීම් එක වර සිදු වුණු දෙයක් නොවෙයි. වසර මිලියන ගණනක් පුරා ඉතා දීර්ඝ කාලයක් ගතවෙමින් සිදු වුණු ක්‍රියාවලියක ප්‍රතිඵලයක්.

පෘථිවිය උණුසුම, ජලය සහ වාතය ඇති ග්‍රහලෝකයක් වුණු නිසයි පසු කාලයේ එහි ජීවය හට ගත්තේ.

ඉතිහාසය ඉගෙන ගන්නකොට "කාලය" ගැන හිතන්න: දවස්, අවුරුදු පමණක් නොවෙයි, වසර මිලියන සහ බිලියන ගණනක් ද!