1.3 සන ද්‍රව්‍යවල සුවිශේෂ ගුණ
සන ද්‍රව්‍යවල සුවිශේෂ ගුණ
සන ද්‍රව්‍ය හැම එකක්ම එක වගේ නෙවෙයි. සමහර ඒවා ඇදෙනවා, සමහර ඒවා කැඩෙනවා, සමහර ඒවා දිලිසෙනවා. බලමු!
ප්‍රත්‍යාස්ථතාව elasticity
බලයක් යෙදූ විට හැඩය වෙනස් වී, බලය ඉවත් කළ විට නැවත මුල් හැඩයට පැමිණීම.
උදා: රබර් පටිය, බැලූනය · කිරි බෝතලයේ සූප්පුව
භංගුරතාව brittleness
බලයක් යෙදූ විට පහසුවෙන් කැබලිවලට බිඳී යාම.
උදා: හුනු කූර, අඟුරු කැබැල්ල, ගඩොල්, මැටි මුට්ටිය, වීදුරුව
ප්‍රභාමත් බව lustre
මතුපිට වැලි කඩදාසියෙන් මැද්දාම දිලිසෙන සුලු බවක් පෙන්වීම.
උදා: ඇලුමිනියම් පත්‍රය, යකඩ ඇණය, කාසිය · (ලී සහ මකනය දිලිසෙන්නේ නැහැ)
වයනය texture
ඇඟිලිවලින් ස්පර්ශ කළ විට දැනෙන සුමට (smooth) හෝ රළු (rough) ස්වභාවය.
සුමට: කපු පුළුන්, ටයිල් · රළු: වැලි කඩදාසිය, ගල් කැට
🎉 අවුරුදු උත්සවයේ විද්‍යාව! - මෙතැන තියෙන්නේ කුමන ගුණය ද?
වාසනා මුට්ටිය එක පහරින් කැබලිවලට බිඳී ගියා.
❓ ගුණය
භංගුරතාව 💥
බැලූනය පිම්බෙනවා, හැකිළෙනවා.
❓ ගුණය
ප්‍රත්‍යාස්ථතාව 🎈
ලිස්සන ගහට තෙල් ගාලා නිසා හැමෝම පහළට ලිස්සුවා.
❓ ගුණය
සුමට වයනය 🧈
අවුරුදු කුමරා කුමරියට දිලිසෙන කිරුළු.
❓ ගුණය
ප්‍රභාමත් බව ✨🚗 කණ්ඩායම් ව්‍යාපෘතිය: බැලූන් කාරයක් හදමු!
අවශ්‍ය දෑ: ප්ලාස්ටික් බෝතලයක්, බීම බට, බෝතල් මූඩි හතරක්, ඉරටු දෙකක්, බැලූනයක්, රබර් පටි, ඇලවුම් පටි.
- කාරයේ සැලසුම මිනුම් සහිතව අඳින්න.
- එක් එක් කොටසට ගන්නා ද්‍රව්‍යය, එහි අවස්ථාව සහ ගුණය ලියන්න. (උදා: බැලූනය - ප්‍රත්‍යාස්ථතාව)
- කාරය හදලා, බැලූනය පිඹලා අතහරින්න. වේගවත්ම කාරය කාගේ ද?
There are no comments for now.
to be the first to leave a comment.